Қымбатты достар!
Сіздер Абай облысы ББ «Семей қаласының арнаулы әлеуметтік қызметтерге мұқтаж балаларды қолдау орталығы» коммуналдық мемлекеттік мекемесі тәрбиеленушілері мен қызметкерлер ұжымының сайтына қош келдіңіздер! Біздің сайт балалар үйінің тәрбиеленушілерінің өмірі жайлы білгісі келген адамдарға арналған. Сіздер тиісті бөлімдерден балалар үйінің жоспары, өткізілген тәрбиелік іс-шаралары, патронат, қамқорлық және асырап алу жөніндегі ақпарат пен фотосуреттер туралы соңғы жаңалықтарды біле аласыздар.
Өркендерін өссе берсін!
- Толығырақ
- Қаралды: 896
Астанада 20-24 қазан 2015 жылы аралығында «Тарих толқынында»атты қазақ хандығының 550 жылдығына арналған ХІ Ұлттық Дельфий ойындары өтті. Бұл жарысқа 16 облыстың шығармашыл, талантты балалары қатысты.
Биыл өнер додасы фортепиано, скрипка, ұлттық аспаптар: домбыра, қыл-қобыз, прима-қобыз, халық биі, заманауи би, эстрадалық ән салу, академиялық ән салу, дәстүрлі ән салу, қысқаметражды фильм және бейнеролик, фотосурет, бейнелеу өнері, театр номинация бойынша өтті. Осы жоғарыда аталған Дельфий ойындарына Семей қаласынан «№8 отбасы үлгісіндегі балалар үйі» КММ- нің тәрбиеленушілеріде Шығыс Қазақстан Облысының командалық құрамына кіріп қана қоймай, қанжығыларына 1 күміс және 1 қола медальдерін байлап келді. Атап айтсақ, «Фотосурет» номинациясы бойынша І топ тәрбиеленушісі Стрельников Максим, 2 орын, күміс жүлдегері,жетекшісі Нургазина Жазира Сериккановна болса, «Қолөнер» номинациясы бойынша ІІ топ тәрбиеленушісі Суворова Анна, 3 орын, қола жүлдегері, жетекшісі Айгожина Гульмира Мухамет-Кызыровна.
Бұл ойындар идеясы еліміздің мәдени мұрасын көбейтіп, сақтай отырып, жастарды толеранттылық пен ұлтаралық мәдениетке деген қызығушылығын арттыруға тәрбиелеу болып табылады.
